Se tregu i Kosovës është i monopolizuar e ka pranuar edhe kreu i Kuvendit të Kosovës dhe i PDK-së, Kadri Veseli.
Ai në emisionin “Ekonomia me Erëzën”, ka thënë se pa konkurrencë lojale nuk do të ketë zhvillim ekonomik në vend dhe se fokus i partisë së tij është eliminimi i monopoleve.
“Pa pasur konkurrencë lojale nuk do të ketë as zhvillim ekonomik, sepse nuk mund të kemi biznese të shëndosha. Dhe kjo mund të evitohet nëse eliminohen të gjitha monopolet. Fokus i joni do të jetë eliminimi i monopoleve, transparencë dhe ligjshmëri e qartë”, deklaroi Veseli.
Kujtojmë se kryeministri i Kosovës, Isa Mustafa, “ka kërkuar nga të gjitha ministritë që të respektojnë ligjin dhe procedurat e prokurimit publik, në mënyrë që të gjithë operatorët ekonomikë të trajtohen në mënyrë të barabartë”.
Nga ana tjetër monopoli i krijuar në tregun e Kosovës mbetet sfidë për integrimin në Bashkimin Evropian.