OVL e UÇK-së kundër vizitës së Von Cramonit në Speciale

Organizata e Veteranëve të Luftës së UÇK-së është shprehur kundër vizitës së eurodeputetes Viola Von Cramon në Gjykatën Speciale në Hagë.

Përmes një konferencë për medie, OVL e UÇK-së ka thënë se kjo vizitë lidhet pikërisht me intervistimin e presidentit Hashim Thaçi nga Dhomat e Specializuara të Gjykatës Speciale.

“Ne do të bëjmë një reagim për eurodeputeten Cramon sepse jemi të prekur nga sjellja e saj. Kjo ka kohë që ka humbur ekuilibrin politik që do të duhej ta kishte një raportuese për Kosovën. Përderisa e gjithë bota u çua në këmbë për shfuqizimin e ligjit të Gjykatës Speciale, ajo një ditë pas intervistimit të presidentit pa fije turpi ka vizituar Gjykatën Speciale dhe vizita e saj ka për qëllime specifike për këtë rast”, ka thënë Gucati.

Gucati ka kërkuar nga Parlamenti Evropian shkarkimin e Von Cramon, dhe t’i hiqet misioni si raportuese për Kosovën.

“Ne kërkojmë nga parlamenti Evropës shkarkimin e Von Cramon dhe t’i hiqet misioni si raportuese për Kosovë”, ka thënë Gucati/ EO.