Osmani uron Zelenskyn në Ditën e Pavarësisë: Edhe Kosova ka përjetuar gjenocid

Presidentja e Kosovës, Vjosa Osmani, ka uruar presidentin ukrainas, Volodymyr Zelensky në Ditën e Pavarësisë së Ukrainës.

Ajo në letër ka thënë se Kosova qëndron me Ukrainën derisa ajo të fitojë.

Osmani ka thënë se në këtë ditë historike për Ukrainën, uron që populli heroik ukrainas të qëndrojë i fortë dhe të vazhdojë ta mbrojë vendin e tij.

Ajo tutje ka thënë se e ndajnë dhimbjen e popullit ukrainas të cilët po vuajnë nga krimet dhe gjenocidi rus.

“Janë disa vende që vërtetë e kuptojnë vuajtjen tuaj dhe një nga ta është Kosova. Ne e dimë se si është të jesh cak i gjenocidit”, ka shkruar ajo.

Edhe Arbëri 24 gus 2024 Osmani uron ukrainasit: Kosova qëndron me ju

Osmani ka thënë se është e bindur se një ditë të dyja vendet, edhe Kosova edhe Ukraina do të qëndrojnë të barabarta në familjen evropiane.