-
Nga:
Marigona Brahimi
- 10 dhjetor 2022 13:36
- Shpërndaje në:
Presidentja e Kosovës, Vjosa Osmani, pret të shtunën në takim partitë politike për konsultim lidhur me zgjedhjet komunale në komunat veriore: Mitrovicë e Veriut, Leposaviq, Zubin Potok dhe Zveçan.
Nuk dihet nëse pas takimit do të ketë prononcim për media.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Presidentja e Republikës së Kosovës, Vjosa Osmani pret në takim sot në orën 14:30, partitë politike për konsultim lidhur me zgjedhjet komunale në: Mitrovicë të Veriut, Leposaviq, Zubin Potok dhe Zveçan Mediat mund të marrin pamje në fillim të takimi”, thuhet në njoftimin e presidencës.
Zgjedhjet në veri janë përcaktuar që të mbahen më 18 dhjetor.
Mirëpo, SHBA-ja dhe Gjermania kanë kërkuar që ato të shtyhen, me arsyetimin se nuk ka kushte për zhvillimin e tyre.
Të martën në Zubin-Potok dhe në Mitrovicë të Veriut, zyrtarët komunalë të zgjedhjeve dhe zyrtarët policorë, derisa kanë tentuar t’i hapin zyrat e Komisioneve Komunale Zgjedhore, janë sulmuar me shok-bomba dhe të shtëna në ajër, nga persona të panjohur. Si pasojë e kësaj atyre u është pamundësuar vazhdimi i procesit përgatitor për zgjedhjet e jashtëzakonshme në veri. Sulme në veri ka pasur edhe të mërkurën.
AAK-ja refuzon të shkojë në takimin e thirrur nga presidentja
Presidentja e Kosovës, Vjosa Osmani pret në takim sot në orën 14:30, partitë politike për konsultim lidhur me zgjedhjet komunale në Mitrovicë të Veriut, Leposaviq, Zubin Potok dhe Zveçan
Kërkesa për shtyrje ka ardhur nga ambasadorët e QUINT-it ndërsa të paqarta janë rekomandimet e institucioneve të sigurisë.
Pro shtyrjes së zgjedhjeve është shprehur Aleanca për Ardhmërinë e Kosovës (AAK) e cila nuk do të shkojë në takim te presidentja Osmani.
Zëdhënësi i kësaj partie, Kushtrim Xhemaili, deklaroi për KosovaPress se qëndrimi i tyre tashmë dihet dhe nuk e shohin të nevojshme të shkojnë në takim.
“Qëndrimi i AAK-së për zgjedhjet në veri është që ato të shtyhen sepse kemi vlerësuar se nuk është momenti i përshtatshëm për mbajtjen e tyre. Këtë qëndrim e kemi bërë publik tash e sa ditë. Duke pasur parasysh këtë qëndrim, nuk e vlerësojmë të nevojshme pjesëmarrjen e AAK-së në takim me Presidenten”, u shpreh Xhemaili.
Komisioni Qendror i Zgjedhjeve është shprehur i gatshëm të organizojë zgjedhjet në katër komunat veriore të vendit të parapara të mbahen më 18 dhe 25 dhjetor. Në mbledhjen e së shtunës, janë certifikuar edhe 14 kandidatë të Lëvizjes Vetëvendosje për Kuvend Komunal të Leposaviqit./ksp