Misioni i OSBE-së në Kosovë ka riafirmuar mbështetjen për Gjykatën Kushtetuese të Kosovës.
Misioni i OSBE-së ka thënë se vendimet e Kushtetueses duhet të respektohen dhe të zbatohen plotësisht, pa pasur ndikim apo ndërhyrje të panevojshme.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjykata Kushtetuese të martën ka vendosur se Kuvendi i Kosovës nuk është i konstituuar dhe se duhet të zgjidhet nënkryetari nga radhët e komunitetit serb. Deputetëve iu është dhënë afat 12 ditë, pasi të publikohet aktgjykimi, që ta konstituojnë Kuvendin. Vendimi është marrë pas ankesës së Listës Serbe.
OSBE-ja ka thënë se pavarësia e institucioneve gjyqësore janë gurthemel i shoqërisë demokratike.
OSBE-ja ka shprehur shqetësimin për deklaratat kundër Gjykatës Kushtetuese.
“Misioni vëren me shqetësim deklaratat e fundit publike dhe iniciativat që, direkt apo indirekt, synojnë ta sfidojnë apo diskreditojnë autoritetin e Gjykatës Kushtetuese. Përpjekjet për ta politizuar punën e Gjykatës dhe sistemin më të gjerë gjyqësor minojnë besimin publik në institucionet e Kosovës. Gërryejnë besimin në sundimin e ligjit dhe mund të vënë në pikëpyetje zhvillimin demokratik të Kosovës. Misioni i OSBE-së nënvizon se pavarësia e gjyqësorit është domosdoshmëri demokratike”, thuhet në reagimin e OSBE-së.
OSBE-ja ka thënë se përfaqësuesit politikë dhe institucionet mbajnë përgjegjësi për ta respektuar autoritetin e Gjykatës, duke forcuar besimin e publikut në kornizën kushtetuese të Kosovës dhe në sistemin e drejtësisë në përgjithësi.
“Misioni u bën thirrje të gjithë akterëve politikë ta mbështesin konstituimin e Kuvendit në përputhje me kornizën ligjore dhe vendimet e Gjykatës Kushtetuese. Ne jemi të gatshëm të bashkëpunojmë ngushtë me Kuvendin dhe deputetët e tij pasi të jetë konstituuar plotësisht”, thuhet në reagim.