Të hënën ka nisur konstituimi i Komisionit Hetimor për menaxhimin e krizës energjetike nga Qeveria, i iniciuar nga opozita.
Kryetari i komisionit, deputeti i Lidhjes Demokratike të Kosovës, Driton Selmanaj, tha se plani i punës do të jetë dinamik.
“Në takimin e radhës e diskutojmë planin e veprimit, e caktojmë se cilave institucioneve do t'iu drejtohemi me pyetje. Me stafin do të shohim se si kanë punuar komisionet e tjera hetimore për aspektin financiar”, tha Selmanaj.
Ai i ftoi anëtarët e komisionit për përkushtim.
“Po ju lus për përkushtim të madh, do të kemi dinamikë të madhe, e di se keni angazhime shumë të tjera, por po besoj dhe shpresoj se vigjilenca juaj nuk do të mungojë", iu drejtua Selmanaj anëtarëve të komisionit.
Ky komision kishte nxitur shumë reagime, brenda dhe jashtë Kuvendit. Opozita kishte braktisur punët në Kuvend, pasi nuk përkrahej nga pushteti për themelimin e tij. Akuzat e kundërakuzat ishin të ashpra.
Në fund, u arrit kompromisi që të themelohen dy komisione: opozita atë për hetimin e menaxhimit të krizës së fundit energjetike ku Qeveria ndaj rreth 100 milionë euro, derisa pushteti për hetimin e keqpërdorimeve me energjinë elektrike nga vitit 2006 e tutje.
