Nis gjykimi i të akuzuarit për krime lufte në Pejë, Zoran Gjokiq

Ka nisur gjykimi ndaj të akuzuarit për krime te luftës Zoran M. Gjokiq, i cili u arrestua në shkurt të këtij viti në pikën kufitare Jarinjë për krime lufte.

Gjokiq akuzohet se në periudhën mars-prill 1999, në lagjen “Kristal” të Pejës, duke bashkëvepruar me një grup personash të nacionalitetit serb, të veshur me uniforma policore, paramilitare e ushtarake ka shkaktuar vuajtje të mëdha, aplikim i masave të frikësimit ndaj popullatës së pambrojtur civile, vrasje, plaçkitja e një qyteti apo një vendi, urdhërimi për zhvendosjen e popullatës civile ose ndaj individëve të veçantë civil që nuk kanë të drejtë të marrin pjesë drejtpërdrejtë në konflikt.

Sot dëshminë para trupit gjykues po e jep dëshmitarja Valbona Berisha së cilës i ishte vrarë vëllai në mars të 99-ës, raporton KTV.

Berisha ka rrëfyer se si dy persona të armatosur kishin nxjerr vëllain e saj nga shtëpia dhe me dy persona të tjerë më pas ai ishte vrarë në shtëpinë e komshiut.

Kryetari i trupit gjykues ka marr vendim që mediave tua ndalojë xhirimin e të akuzuarit derisa edhe mediave pas 5 minutave xhirim ua ka ndaluar xhirimin e vazhdimit të seancës.