Nis edicioni i 13-të “Rexhai Surroi”

Ka nisur edicioni i 13-të i shpërblimit vjetor për gazetari të shkruar dhe letërsi “Rexhai Surroi”.

Ceremonia jo e zakonshme ka nisur në orën 17:30 dhe po mbahet në studiot e KTV-së, për shkak të rrethanave me pandeminë e koronavirusit.

Shkrimtari dhe publicisti, Veton Surroi, në fjalën përshëndetëse në emër të themeluesve të shpërblimit, foli edhe për gjendjen me pandeminë në vend e botë si dhe për krizën e vazhdueshme politike në vend.

“Dhe, virusi ka nxjerrë në sipërfaqe sërish krizën themelore të vendit: shtetin e kapur. Në të, si në sistem feudal, konflikti politik nuk është konflikt idesh, por konflikt për kontrollin e resurseve. Resurse janë paratë publike, prokuroria e gjyqësia, ndërmarrjet publike. Çdo gjë që duhet të jetë e qytetarëve, është resurs për kontrollin e të cilit zhvillohet lufta”, ka thënë Veton Surroi.