Disa orë pas ultimatumit 24-orësh të Qeverisë së Shqipërisë, ambasada e Iranit në Tiranë, ka filluar të boshatisë zyrat.
Ajo që është vënë re të mërkurën nga objekti i ambasadës së Iranit është tymi që është parë në oxhaqe, shkruan “ABC News”.
Siç raportohet, diplomatët iranianë janë duke djegur dokumentet.
Kryeministri i Shqipërisë, Edi Rama ka vendosur të mërkurën të dëbojë diplomatët iranianë, pasi ka dyshime të forta se pas sulmeve kibernetike në institucionet shqiptare, qëndron Irani.
Ndërkohë në një reagim, Ministria e Punëve të Jashtme të Iranit, e quajti sjelljen e Shqipërisë një komplot, duke shtuar se me këtë veprim i janë bashkuar SHBA-së dhe Izraelit.
Artikuj të ngjashëm