Nazlie Musliu, pas përfundimit të luftës në Kosovë, ishte kthyer nga Gjermania dhe për 14 vjet rresht ka kërkuar punë.
Ani pse kishte përgatitjen e duhur dhe shumë kurse të ndjekura, mezi është punësuar para 4 vjetësh. Ajo shprehet se shumë herë nuk është punësuar vetëm pse është grua, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdonëse nga të gjitha universitetet publike numri më i madh i të diplomuarve janë të gjinisë femërore, në punësim gruaja nuk po përkrahet aq sa duhet në vendin tonë.
Një hulumtim i “Institutit GAP”, që flet për punësimin dhe përfaqësimin e grave në Kosovë, tregon se në Qeverinë e Kosovës 94 % e të punësuarve janë meshkuj dhe vetëm 6 % janë gra.
Hiq më mirë, sipas tij, nuk gjendet as sektori privat. Madje, GAP e vlerëson si sektorin më neglizhent ndaj grave dhe shpall konkurse me kërkesa që lë të nënkuptojë se konkursi është i shpallur vetëm për meshkuj.
Luljeta Demolli, drejtoreshë në Qendrën për Studime Gjinore, thotë se shteti duhet të krijojë vende pune edhe për gratë, pasi ato në të shumtën e rasteve dinë të jenë shumë më të suksesshme se burrat.
Sipas statistikave të këtij hulumtimi, 4 mijë e 587 femra kanë diplomuar vitin e kaluar ndërsa vetëm 2 mijë e 640 meshkuj. Por numri i meshkujve të punësuar është 48 %, ndërsa i femrave vetëm 12.7 për qind.