Në përvjetorin e vdekjes së Arbenita Spahiut, protestë për drejtësi

Në përvjetorin e parë të vdekjes së Arbenita Spahiut përmes një proteste është kërkuar që fajtorët të dalin para drejtësisë, raporton KTV.

Dhjetëra qytetarë i janë bashkuar familjarëve të cilët po kërkojnë që ky rast të zbardhet dhe fajtorët të marrin dënimin e merituar.

Arlinda Salihu-Spahiu në emër të familjes ka thënë se kundërshtojnë kërkesën që të përsëritet autopsia për të ndjerën pasi dyshojnë se mund të ketë ndryshime në favor të mjekëve pasi kërkesa për një tjetër autopsi është bërë nga mjeket e akuzuara.

Arbenita Spahiu kishte vdekur nga pakujdesia e mjekëve menjëherë pasi kishte lindur fëmijën e saj të parë. Prokuroria në Gjilan ka ngritur aktakuzë në maj të vitit të kaluar për tri mjeke gjinekologe të cilat dyshohet se neglizhuan me rastin.

E ndjera ka lënë pas një djalë i cili po në këtë ditë ka mbushur një vit.

Edhe Kronikë 3 mar 2017 Me protestë kërkohet drejtësi një vit pas vdekjes së dyshimtë të Arbenita Spahiut

Në këtë protestë ka qenë i ftuar edhe ministri i shëndetësisë por që nuk ishte i pranishëm.

{gallery}