Në Mitrovicë nis faza e dytë e aplikimit për mbështetje financiare për të infektuarit me koronavirus

Në Komunën e Mitrovicës ka nisur faza e dytë e aplikimit për mbështetje financiare prej 50 eurove për të gjithë qytetarët e kësaj komune që janë prekur nga COVID-19 e që janë pjesë e listës së IKSHPK-së.

“Të drejtë aplikimi kanë të gjithë ata qytetarë të cilët janë kontaktuar nga Instituti Kombëtar i Shëndetësisë Publike si të shëruar. Aplikimi është i hapur në afat të pacaktuar andaj lusim të gjithë qytetarët të cilët janë aktualisht pozitiv me virusin Covid-19 të respektojnë periudhën e izolimit prej 14 ditësh dhe pas të pranojnë konfirmimin si të shëruar, të shfrytëzojnë të drejtën e tyre për të aplikuar për mbështetje financiare”, thuhet në njoftimin e Komunës së Mitrovicës.