Pas gërmimeve në Izbicë të Skenderajt, javën e kaluar, Instituti i Mjekësisë Ligjore këtë të hënë ka filluar gërmimet në fshatin Majac të Podujevës, ku dyshohet se është varrosur një viktimë e luftës së fundit.
Drejtori i Institutit, Arsim Gërxhaliu, ka thënë se ata kanë paraparë që dy ditë të gërmojnë në këtë lokacion, raporton KTV.
Pas këtij lokacioni, gërmimet, sipas tij, do të vazhdojnë në fshatin Polac.
Gërmimet në Izbicë të Skenderajt ku dyshohej se mund të kishte trupa të shqiptarëve të varrosur gjatë luftës, përfunduan pa ndonjë rezultat.
Në këtë lokacion kanë qenë të varrosur 137 trupa të shqiptarëve, të cilët më pas ishin zhvarrosur nga forcat serbe dhe ishin rivarrosur në pesë lokacione të ndryshme.
Gërmimet në Izbicë kishin nisur pas dyshimeve se aty mund të ketë ende trupa tjerë.
-
Fillojnë gërmimet në Majac, dyshohet se është varrosur një viktimë nga lufta e fundit
-
Gërmime në Majac, dyshohet për një viktimë të varrosur nga lufta
-
Gërmime në Izbicë dhe Serbi, dyshohet se mund të ketë trupa të shqiptarëve
-
Në Rahovec gjenden sërish mbetje mortore që dyshohet se i përkasin një viktime të luftës
-
Gjenden mbetje mortore të dy personave që dyshohen se janë të zhdukur gjatë luftës