Në Komunën e Gjilanit të shtunën ka nisur të mbahen garat komunale në lëndën e matematikës me të gjitha përgatitjet që janë bërë nga Drejtoria Komunale e Arsimit dhe kësaj gare po i nënshtrohen 120 nxënës nga të gjitha shkollat e Gjilanit nga klasat VI, VII dhe VIII.
Kryesuesja e Kuvendit të Komunës, Valentina Bunjaku-Rexhepi, ka uruar të gjithë nxënësit për suksese, duke i falënderuar ata për traditën pozitive të krijuar në Gjilan, në rrafshin e dijes me rezultatet e nxënësve talent në matematikë.
Ushtruesja e Drejtorit të Arsimit, Shqipe Kastrati Haziri, ka thënë se rritja e konkurrencës së dijes përmes garave si kjo e sotmja, është një faktor shumë i sigurt në ecjen për rritjen e cilësisë në shkolla.
Ndërsa, kryetari i Klubit “Paskal”, Agim Buklla, ka falënderuar Komunën e Gjilanit dhe kryetarin Lutfi Haziri, për mbështetjen e dhënë në organizimit të garave mbarëkombëtare shqiptare në Gjilan.
Rezultatet e testit publikohen gjatë ditës së sotme, pas orës 16:00, ndërsa ato zyrtare me datën 2 maj 2017.
Ndryshe, kjo garë i paraprin garës tre ditore, e cila do të organizohet më datat 19, 20 dhe 21 maj.
-
Gjilani nis shpërndarjen e librave falas për mbi 12 mijë nxënës
-
Në Gjilan, klasat 1-9 pritet të vijojnë mësimin në objekte shkollore
-
Gjilani shpall javën e barazisë gjinore nëpër shkolla
-
Nga Gjilani thonë se është ndërprerë greva, të martën nxënësit i kthehen mësimit
-
Së shpejti shujta ditore për nxënësit e Gjilanit