Qindra qytetarë kanë protestuar të shtunën në sheshin kryesor të Gjenevës kundër formimit të Asociacionit të komunave me shumicë serbe në Kosovë.
“Nuk duam ndarje në Kosovë”, “Bernë, thuaji jo autokratëve. Vuçiq = Putin”, ishin pankartat e protestuesve, shkruan “Letemps.ch”.
Reis Luzhnica, pjesë e asamblesë së qytetit të Zurichut ka thënë se Kosova është nën presion të madh nga Bashkimi Evropian dhe Shtetet e Bashkuara për të nënshkruar marrëveshje “për krijimin e asociacionit të komunave me shumicë serbe në Kosovë”.
Ai ka thënë se kjo do të prodhonte një situatë si në Bosnje me Republikën Sërpska. “Nuk funksionon. Kosova është shtet multietnik”, ka thënë ai për mediumin zviceran.
Një tjetër kosovar ka thënë për këtë medium se me këtë marrëveshje do të ndahej Kosova në dysh. “Ne nuk jemi kundër popullit serb, por kundër Qeverisë së tyre”, ka thënë Bekim Hoti.
-
Opozita serbe në Kosovë me nismë të re bashkëpunimi
-
Mbyllet rruga në Jarinjë, serbët në protestë
-
Emini: Kosova të nisë debat të brendshëm për Asociacionin, jo negociata të ngutshme në Bruksel
-
Vuçiq – Sorensenit: Prishtina ka për qëllim ta përshkallëzojë situatën
-
Janjiqi: Asociacioni nuk funksionon në Kosovë shkaku i demografisë dhe konceptit ekzekutiv