Prishtinë, 27 nëntor - Kryeministri i Republikës së Kosovës, Ramush Haradinaj, ka pritur sot zëvendës-ndihmës sekretarin e përgjithshëm të NATO-s, Jonathan Parish.
Kryeministri Haradinaj ka njoftuar z. Parish me situatën e përgjithshme të sigurisë në vend, për përkushtimin e Qeverisë së Kosovës për rrugën euroatlantike, në të njëjtën kohë ka falënderuar NATO-n dhe trupat e KFOR-it për mbështetjen e paqes dhe sigurisë për të gjithë qytetarët e vendit.
Kryeministri Haradinaj theksoi domosdoshmërinë e vazhdimit të pranisë së NATO-s në Kosovë, si dhe avancimin e bashkëpunimit për rritjen e profesionalizmit të institucioneve të sigurisë, veçmas atyre të FSK-së.
“Forca e Sigurisë së Kosovës është një forcë profesionale, multietnike dhe e cila në të ardhmen do të jetë aleat i besueshëm përkrah miqve tanë euroatlantik”, tha Kryeministri Haradinaj, duke kërkuar mbështetjen e mëtutjeshme të NATO-s në ngritjen e kapaciteteve profesionale të FSK-së.
Ndërsa, zëvendës-ndihmës sekretari i përgjithshëm i NATO-s, Jonathan Parish, tha se NATO përmes KFOR-it do të vazhdojë të kontribuojë në forcimin e sigurisë dhe të stabilitetit në Kosovë, duke shprehur përkushtimin për bashkëpunim edhe në të ardhmen.
-
Haradinaj në takim me Komandantin Suprem të NATO-s i kërkon mbështetje për avancimin e FSK-së
-
Haradinaj takohet me gjeneralin e KFOR-it, thonë se situata në Kosovë është stabile
-
Haradinaj: FSK-ja nuk do ta zëvendësojë KFOR-in e as NATO-n
-
Haradinaj në SHBA: Kosova e përkushtuar të anëtarësohet në NATO
-
NATO do të vazhdojë përkrahjen për Kosovën, thotë Stoltenberg