Kosova nuk do të mund të ketë një ushtri nëse nuk japin pëlqimin e tyre dhe minoritet në vend. Ka qenë kjo deklarata e sekretarit të përgjithshëm të NATO-s, Stoltenberg i cili renditi një sërë kushtesh për Prishtinën.
Sekretari i përgjithshëm i NATO-s, Jens Stoltenberg, siç transmeton abcnews, deklaroi se pa përmbushjen e disa kushteve apo pa pëlqimin e përfaqësuesve të minoriteteve etnike në Kosovë nuk do të ketë transformim të Forcës së Sigurisë së Kosovës në Ushtri të Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne jemi të fokusuar në kontaktet e afërta me Kosovën në këtë pikë. Kam shprehur shqetësimet e mia për nismat e fundit për të formuar ushtrinë e Kosovës pa i përmbushur kushtet e nevojshme, më saktësisht pa pëlqimin e përfaqësuesve të minoriteteve etnike në Kosovë”, tha ai për mediat serbe.
Stoltenberg shtoi se është e rëndësishme që transformimi i FSK-së në ushtri të bëhet në pajtueshmëri me të gjitha rregullat. “Formimi i ushtrisë duket të shkojë në procesin parlamentar dhe të jetë në pajtueshmëri me kushtetutën”, përfundoi sekretari i përgjithshëm i NATO-s.