Mustafa reagon ndaj ultimatumit të Pacollit

Kryetari i LDK-së, Isa Mustafa, ultimatumin prej 10 ditësh të Behgjet Pacollit, e ka quajtur vetëm propozim dhe se po pret PDK-në që të dështojë në formimin e qeverisë.

Në mbledhjen e kryesisë së LDK-së në të cilën u diskutua për zgjedhjet e reja lokale, Mustafa ka thënë se vetëm pas dështimit të PDK-së, do të vendoset për hapat e mëtutjeshëm.

“Begjet Pacolli ka shprehur vetëm një propozim të tij, por ne do të presim që PDK dhe aleatët të kryejnë detyrën e tyre në bazë të Kushtetutës, e kur ata e pranojnë dështimin se nuk i kanë numrat ne do të marrim hapa të mëtutjeshëm”, ka thënë Mustafa.