Me rastin e vdekjes së ish-presidentit të Francës, Jacques Chirac, kryetari i Lidhjes Demokratike të Kosovës (LDK), Isa Mustafa, ka thënë të enjten se Presidenti Chirac ishte mik i madh i Kosovës, bëhet e ditur përmes një komunikate për media.
Mustafa thotë se vdekja e tij është humbje e madhe për njerëzimin.
“Vdekja e ish-presidentit të Francës, Jacques Chirac, është humbje e madhe, jo vetëm për Francën, por për të gjithë njerëzimin. Presidenti Chirac ishte mik i madh i Kosovës dhe popullit të saj. Ne i jemi mirënjohës Presidentit Chirac për përkrahjen e madhe që i ka dhënë Kosovës dhe besojmë se partneriteti mes Kosovës dhe Francës, i forcuar gjatë udhëheqjes së tij, do të vazhdojë të thellohet mes dy vendeve e popujve tanë”, ka thënë Mustafa.
“Në këto momente, ndajmë dhimbjen me familjen Chirak, shtetin e Francës dhe popullin mik francez”, tha Mustafa.
-
Presidenti Thaçi takohet me Bill Clinton në Francë
-
Thaçi e konsideron Gjermaninë partner strategjik të pazëvendësueshëm për Kosovën
-
Liderët botërorë mblidhen në Francë për funeralin e Chiracut
-
Thaçi: Chiracu ishte kundër gjenocidit dhe pastrimit etnik të regjimit të Millosheviqit
-
Hapet në Prishtinë libri i ngushëllimeve për Jacques Chirac