Mustafa harron mocionin, flet për punët që e presin në gusht

Në kohën kur po diskutohet për rënien e tij nga pushteti, kryeministri Isa Mustafa po flet për punët që e presin gjatë verës.

Së fundi është marrë me autostradën më shumë se 47 kilometërshe, në pjesën lindore të vendit.

“Miq të dashur, punimet për ndërtimin e Autostradës Prishtinë-Gjilan-Dheu i Bardhë, me gjatësi 47.1 kilometra, pritet të nisin më së largu në muajin gusht. Anamorava e ka merituar një investim të tillë, i cili do të lehtësojë qarkullimin e njerëzve dhe do të mundësojë zhvillim të hovshëm ekonomik të këtij rajoni shumë të rëndësishëm të vendit”, ka thënë Mustafa, përcjell Koha.net.