Qeveria e Kosovës, e drejtuar nga kryeministri Isa Mustafa, në mbledhjen e sotme miratoi vendimin për krijimin e Komitetit Drejtues Ndërministror për Zhvillimin e Projektit “Autostrada Prishtinë-Gjilan-Dheu i Bardhë”, njofton kumtesa qeveritare, transmeton Koha.net.
Ministri i Infrastrukturës, Lutfi Zharku, theksoi se zhvillimi i Autostradës Prishtinë -Gjilan-Dheu i Bardhë paraqet një projekt me rëndësi në rrjetin infrastrukturor.
“Ky drejtim rrugor lidhet me drejtimet kryesor rrugore të Evropës Juglindore, Autostradën 6 Prishtinë-Hani i Elezit dhe Autostradën 7 Morinë- Merdar, si dhe me korridorin e 10 në Serbi. Ministria e Infrastrukturës është në fazën përfundimtare të përgatitjes së dokumentacionit të nevojshëm për ndërtimin e Autostradës Prishtinë-Gjilan-Dheu i Bardhë. Duke marrë parasysh përvojat gjatë implementimit të projekteve të ndërtimit të autostradave R-6 dhe R-7 gjatë implementimit të projekteve strategjike, rëndësinë e vendimmarrjes dhe miratimit të dokumenteve teknike e financiare dhe procedurave, me qëllim të koordinimit të aktiviteteve është i domosdoshëm që gjatë implementimit të ndërtimit të Autostradës Prishtinë-Gjilan-Dheu i Bardhë të formohet Komiteti Drejtues Ndërministror, në përbërje të ministrit të Infrastrukturës –kryesues, ndërsa anëtarë të këtij komiteti do të jenë edhe ministri i Financave, ministri i Tregtisë dhe Industrisë, ministri i Zhvillimit Ekonomik dhe ministri i Mjedisit dhe Planifikimit Hapësinor”, tha ministri Zharku.
-
Autostrada e Gjilanit dhe ajo Prishtinë-Merdare marrin miratimin e Trupës Drejtuese Ndërministrore
-
Abrashi paraqiti planin e investimeve në infrastrukturë në Këshillin Ministror të Traktatit të Komunitetit të Transportit
-
Abrashi shkarkon “njësitet e kundërligjshme” në Ministrinë e Infrastrukturës
-
Auditori përveç anulimit rekomandon edhe masa për zyrtarët që shpallën tenderin 110-milionësh
-
Fillon intervistimi i të dyshuarve nga Prokuroria Speciale për autostradën e Gjilanit