Ministria e Shëndetësisë ka nisur punimet për hartimin e amandamentimeve në Ligjin për sigurime shëndetësore.
Kështu u tha në debatin për temën "Sigurimi shëndetësor dhe jetësor-kur do të jetësohet", të organizuar nga fondacioni Friedrich-Ebert-Stiftung (FES).
Kryetarja e fondacionit Fridrich-Ebert-Stiftung, Besa Luzha tha se sigurimi shëndetësor është një e drejtë dhe obligim i institucioneve.
Zëvendësministrja e Shëndetësisë, Dafina Gexha tha se grupi punues është duke hartuar ligjin e ri për sigurime shëndetësor.
Kryetarja e Komisionit për Shëndetësore dhe Mirëqenie Sociale, Fatmire Kollçaku-Mullhaxha theksoi se është e domosdoshme që të hartohet ligji i ri, meqë i njëjti i cili është miratuar në vitin 2014 nuk ka gjetur zbatim.
"Në grupet punuese duhet të përfshihen të gjithë akterët. Të kemi një financim të qëndrueshëm në shëndetësi. Pa një financim të qëndrueshëm është e pamundur të flasim për një shëndetësi më të mirë. E kemi trashëguar pa një sistem në shëndetësi", ka theksuar ajo.
Edhe
Themelimi i Fondit të Sigurimeve Shëndetësore shihet si riaktivizim i një strukture jofunksionale
E Valbona Kamberi nga Sindikata e Policisë së Kosovës tha se për 22 vjet asnjëherë nuk gjetën përkrahjen e institucioneve të Kosovës.
"Është policia e vetme në rajon dhe botë që nuk gëzon të drejtën e sigurimit shëndetësor dhe benificioneve të tjera. Ne kemi humbur më 20 policë dhe nuk e dimë ende se kush i ka vrarë. Të gjithë ata policë që i kemi humbur nuk e kanë pasur të drejtën e sigurimit shëndetësor", shprehet ajo./KSP
-
Sindikata me thirrje urgjente për t’ua siguruar mbulimin shëndetësor policëve
-
Sigurimet shëndetësore, Kodra: Përveç entuziazmit të Qeverisë, të gjitha parakushtet tjera mungojnë
-
Miratohet projektligji për Sigurimin e Detyrueshëm të Kujdesit Shëndetësor
-
Kurti “zhvlerëson” Sigurimet Shëndetësore, puna për zbatimin e tyre nuk është as afër