Ministria e Punëve të Jashtme përmes Konsullatës së përgjithshme të Republikës së Kosovës në Nju-Jork ua ka shpërndarë edhe zyrtarisht misioneve të përhershme dhe vëzhguesve në Kombet e Bashkuara dokumentarin e publikuar nga Fondi për të Drejtën Humanitare (FDH).
Sipas MPJ-së, aty ofrohen prova të reja “bindëse” për nivelin e mosndëshkimit të Serbisë për krime lufte të kryera kundër civilëve shqiptarë të Kosovës, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFilmi dokumentar, i cili ishte kritikuar në Serbi, ku asnjë medium nuk ka pranuar as ta publikojë, implikon direkt shefin e ushtrisë serbe, Lubisha Dikoviq, si përgjegjës për krimet e luftës dhe aktet gjenocidale kundër civilëve shqiptarë, i cili ka shërbyer si komandant i Brigadës së 37-të të Ushtrisë Jugosllave në vitin 1999.
“Gjenerali Dikoviq është përgjegjës për vrasjen brutale të qindra civilëve shqiptarë të Kosovës në fshatrat Izbicë, Qirez, Shavarinë dhe Rezallë, të vendosura në rajonin e Drenicës në Kosovë”, shkruan në letrën e MPJ-së, të cilën e ka siguruar “Koha Ditore”. (Më gjerësisht mund të lexoni sot në gazetë)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.