MPB-ja tregon se si funksionin sistemi i ri për hyrje-dalje në Schengen

Ministria e Punëve të Brendshme ka njoftuar për hyrjen në fuqi të sistemit EES të Bashkimit Evropian, për të cilin ka deklaruar se do të zbatohet plotësisht në gjitha pikat e kalimit kufitar në Zonën Schengen.

Në një komunikatë për media, MPB-ja ka njoftuar se  ky sistem ka filluar të zbatohet gradualisht nga 12 tetor 2025 deri në arritjen e zbatimit të plotë.

Sistemi EES është një sistem i automatizuar dhe biometrik që regjistron hyrjet dhe daljet e shtetasve të vendeve jo-anëtare të BE-së, përmes mbledhjes së të dhënave si: gjurmët e gishtërinjve, fotografia e fytyrës dhe të dhënat e dokumentit të udhëtimit.

“Nga 10 prilli 2026, ky sistem zëvendëson plotësisht vulosjen manuale të pasaportave dhe mundëson identifikimin automatik të qëndrimeve të tejkaluara”, thuhet tutje në njoftim.

Qytetarët e Republikës së Kosovës mund të udhëtojnë pa vizë në Zonën Schengen për qëndrime afatshkurtra (deri në 90 ditë brenda çdo periudhe 180-ditore), duke plotësuar këto kushte:

Të posedojnë pasaportë biometrike valide (e vlefshme të paktën 3 muaj pas datës së kthimit);

Të justifikojnë qëllimin e udhëtimit (turizëm, vizitë familjare, biznes, etj.);

Edhe Botë 10 pri 2026 Hyjnë në fuqi rregullat e reja për hyrje-dalje nga zona Schengen

Të kenë dëshmi të mjeteve të mjaftueshme financiare për qëndrimin;

Të kenë biletë kthimi ose dëshmi për vazhdimin e udhëtimit;

Të mos jenë në listat e ndalimit të hyrjes në Schengen.