Gjithçka është gati për fillimin e kthimit të veturave me targa ilegale në targa RKS, ka thënë Ministria e Punëve të Brendshme të premten nga një takim që ministri Xhelal Sveçla ka pasur me koordinatorët e Qendrave të Automjeteve.
Më 1 gusht nis afati i fundit shtesë që qytetarët në veri të kthejnë targat e tyre në RKS. Në qershor, Qeveria vendosi t’ua japë dy muaj afat qytetarëve që të largojnë targat ilegale. Në veri deri tash ka pasur disa reagime kundër vendimit, ndërsa nuk kanë munguar as deklarata të krerëve të Serbisë.
Sipas njoftimit të MPB-së të premten, “Sveçla ofroi mbështetjen e plotë të tij dhe të Qeverisë, më qëllim të realizimit të këtij objektivi, që është në të mirë të të gjithë qytetarëve, sepse përmirëson sigurinë në trafik, ulë numrin e veturave pa regjistrim dhe përmirëson sigurinë në përgjithësi”.
Afati për kthim të tabelave në RKS zgjat deri më 30 shtator. Në këtë periudhë janë ofruar lehtësira në procesin e kthimit targa RKS.
-
Fundi i targave ilegale
-
4200 serbë i konvertuan targat në RKS, sot përfundon afati për riregjistrim
-
Mbi 4000 vetura konvertuan targat ilegale në RKS
-
Kërkohet nga Qeveria të shtyhet afati edhe për 15 ditë për konvertimin e targave ilegale
-
Gjobë 150-euroshe para konfiskimit të automjeteve me targa ilegale