Instituti Hidrometeorologjik i Kosovës (IHK) ka bërë të ditur se gjatë ditës së premte do të mbajë mot me diell dhe vranësira të cilat gjatë ditës parashihen të shoqërohen me riga shiu dhe shkarkime rrufesh.
“Reshje të intensitetit mesatar parashihen të shtrihen për gjatë relievit malor, kryesisht në perëndim dhe jugperëndim të vendit, deri sa në viset me lartësi të ulëta dhe mesatare do të ketë më pak reshje”, thuhet në njoftim.
Sipas IHK-së, temperaturat minimale do të lëvizin ndërmjet 8-10 gradë Celsius, ndërsa maksimalet e ditës parashihen të lëvizin ndërmjet 25-29 gradë Celsius. Indeksi UV mbetet i lartë.
Do të fryjë erë nga drejtimi i lindjes dhe verilindjes me shpejtësi 1-5m/s.
Edhe gjatë vikendit parashihet të mbajë moti i qëndrueshëm dhe me intervale të gjata me diell.
