Ditët e fundjavës do të vazhdojnë me mot të nxehtë dhe kryesisht me diell, derisa temperaturat maksimale do të rriten mbi 30C.
Mirëpo, nga fillimi i javës së ardhshme, mbi rajon pritet kalimi i një fronti të ftohtë nga Evropa Qendrore që sjellë kushte për zhvillime të rrebesheve me shi dhe bubullima, kryesisht orëve të pasdites, bën të ditur Prishtina Weather.
Parashikimi për periudhën 22-26 gusht:
22.08 – Nxehtë, kthjellët dhe me diell.
23.08 – Kryesisht me diell dhe nxehtë. Pasdite rreth viseve malore mundësi për zhvillim të ndonjë rrebeshi shiu.
24.08 – Paradite kryesisht me diell. Pasdite do të ketë zhvillime të vranësirave, e priten mundësi për rrebeshe shiu me bubullimë.
25.08 – Kryesisht me vranësira. Pasdite dhe në mbrëmje priten rrebeshe shiu dhe bubullima.
Edhe
Sot do të jetë më nxehtë
26.08 – Vranësira dhe intervale me diell. Nga mesdita mundësi për reshje lokale shiu.
Temperaturat e ajrit do të luhaten brenda vlerave mesatare, në fundjavë do të vazhdojnë të rriten, e në ditët e para të javës së ardhshme në rënie të lehtë. Minimalet nga 14C deri në 16C, ndërsa maksimalet nga 32C në fundjavë, zbresin në 26C, ditë të para të javës në vijim.
Era do të fryjë kryesisht nga krahu verior e lehtë dhe mesatare 2-11m/s.
