Ministria e Mbrojtjes e Republikës së Kosovës i ka cilësuar të pavërteta reagimet e ndryshme në media se Togu i Gardës Ceremoniale të FSK-së më 11 nëntor ka nderuar ushtarët e rënë serbë nga viti 1912.
Më datën 11.11.2022, Togu i Gardës Ceremoniale dhe Orkestra Frymore e FSK-së, me ftesë të Ambasadës franceze dhe Ambasadës gjermane, kanë marrë pjesë në ceremoninë e organizuar për të nderuar rënien e ushtarëve francezë dhe gjermanë gjatë Luftës së Parë Botërore, në periudhën 1914-1918.
Sipas Ministrisë së Mbrojtjes, pllakat përkujtimore të të rënëve të këtyre dy kombeve janë të vendosura në një hapësirë të përbashkët me pllakën e të rënëve serbë të viteve 1912-1918, por që si ngjarje në periudhë kohore e as me aktivitetin në fjalë nuk kanë asnjë lidhje.
Tutje Ministria e Mbrojtjes thotë se pozicionimi fizik i gardistëve tanë është imponuar nga pozita e pllakave memoriale dhe platesë përkatëse, dhe në asnjë formë nuk nderohen të rënët serbë.
-
Ambasadat rikthejnë pllakën përkujtimore të ushtarëve serbë aty ku ishte
-
Ushtria e Kosovës, ndër fotografitë e javës nga “Sky News”
-
Policia e Kosovës demanton Ministrinë serbe të Mbrojtjes “për tejkalim të kufirit”
-
Nderohen 14 ushtarët britanikë të rënë në Kosovë
-
Studentët përkujtojnë 1,432 fëmijët e vrarë gjatë luftës