-
Nga:
Alberta Hashani
- 8 janar 2019 20:22
- Shpërndaje në:
Me të hyrat që operon Trepça, pagat e punëtorëve të Minierës së Stantërgut nuk do të mund të rriten, ka paralajmëruar ministri i Zhvillimit Ekonomik.
Në vitin 2018, Trepça ka operuar me humbje, pasi të hyrat kanë rënë për 3 milionë euro, nga 13 milionë sa ishin në vitin 2017, në 10 milionë euro, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistri i Zhvillimit Ekonomik, Valdrin Lluka, ka treguar se me gjendjen financiare që operon ndërmarrja, rritja prej 20 për qind është barrë e madhe.
Megjithëkëtë, kjo nuk po e ndal sindikatën dhe punëtorët e kësaj miniere që të kërkojnë rritje, jo vetëm për minatorët, por dhe pjesën e punëtorëve administrativë.
Në përkrahje të tyre ka dalë edhe Bashkimi i Sindikatave të Pavarura të Kosovës.
Kryetari Avni Ajdini ka thënë se nëse kërkesat nuk aprovohen, atëherë grevës do t’i bashkohen edhe sindikatat e tjera.
Ministri Lluka pritet t’i takojë minatorët gjatë së mërkurës.
Përveç rritjes së pagave, punëtorët e minierës kishin kërkuar edhe nga 100 euro për festën e Vitit të Ri.