Presidenti i Shqipërisë, Ilir Meta, zhvilloi pasditen e sotme takime me autoritete të larta shtetërore nga rajoni, të cilët kanë mbërritur në Tiranë për të marrë pjesë në samitin e Brdo - Brionit.
Kështu, Meta zhvilloi një takim me kryetarin e Presidencës së Bosnjës dhe Hercegovinës, Milorad Dodik dhe anëtarin e Presidencës, Šefik Džaferović.
“Prania e tyre në Samitin e Brdo-Brionit në Tiranë, kontribut i çmuar për një rajon të orientuar qartë ndaj vlerave europiane”, tha Meta pas takimit, duke shtuar se palët shprehën vullnetin e përbashkët për hapjen e ambasadave respektive në të dy vendet. “Besimplotë për të ardhmen e shkëlqyer të marrëdhënieve midis Shqipërisë e Bosnjë dhe Hercegovinës”, tha Meta.
Po këtë pasdite, presidenti Meta takoi edhe presidentin e Malit të Zi, Milo Gjukanoviq.
“E vlerësoj praninë e tij në Samitin e Brdo-Brionit, duke e konsideruar një aktor kyç për forcimin e bashkëpunimit rajonal. Marrëdhënie të shkëlqyera miqësore e historike midis dy vendeve tona”, tha Meta.
-
Meta: Takimi i udhëheqësve të Ballkanit Perëndimor dëshmon se i japim mbështetje bashkëpunimit rajonal
-
Detajet e takimit të procesit Brdo-Brijun në Tiranë - Thaçi, Vuçiqi e Dodiku në mesin e të ftuarve
-
Liderët e rajonit mbërrijnë në Durrës për Samitin e Brdo-Brionit
-
Udhëheqësit e Ballkanit Perëndimor në samitin e Brdo-Brionit flasim për perspektivën evropiane të rajonit
-
Osmani takon Begajn në Bërdo Brione: Për t’i koordinuar qëndrimet e shteteve simotra