Zbatimi i marrëveshjeve të nënshkruara në mbledhjen e dy qeverive në Pejë, ka bërë bashkë ministrat e Qeverisë së Kosovës dhe ata të Shqipërisë, të hënën, në Tiranë.
Pas takimit në Pejë në nëntor të vitit të shkuar, mbledhja e dy qeverive Shqipëri-Kosovë ishte parashikuar të mbahej gjatë muajit maj në Shkodër, shkruan sot “Koha Ditore”. Por ndryshe nga parashikimi, takimi koordinues mes dy qeverive u mbajt në Pallatin e Kongreseve në Tiranë, ndërsa u vu re mungesa e dy kryeministrave Edi Rama dhe Ramush Haradinaj.
Në takimin e zhvilluar këtë herë në Tiranë, të thirrur nga zëvendëskryeministri i Kosovës, Fatmir Limaj, u vu theksi në zbatimin e plotë të marrëveshjeve të arritura deri më tani.
Për Limajn, qershori duhet të jetë afati i fundit për implementimin tyre. Na presin shumë sfida, tha Fatmir Limaj, që kërkojnë veprime konkrete për të reaguar në kohë. Zv/kryeministri Limaj u ka lënë ministrave përgjegjës edhe një muaj kohë për të përfunduar punimet dhe të nisin zbatimin e objektivave të përbashkëta.
(Artikullin e plotë mund ta lexoni sot në “Koha Ditore”)
-
Qershori afati i fundit për zbatimin e marrëveshjeve të nënshkruara nga dy Qeveritë në Pejë
-
Limaj: Mbledhja e dy qeverive shqiptare, pikënisje e ndryshimit të bashkëpunimit
-
Qeveritë Kosovë – Shqipëri ritakohen në Pejë më 26 nëntor
-
Shqipëria e Kosova nisin përgatitjet për mbledhjen e pestë të përbashkët mes Qeverive
-
Në nëntor mbahet në Pejë mbledhja e pestë e qeverive Shqipëri-Kosovë