Ramush Haradinaj, pas orës 20:00, të martën, ka vendosur të pranojë ofertën e PDK-së për të hyrë në koalicion parazgjedhor e të jetë kandidat për kryeministër, raporton KTV.
Ai, për KTV-në, ka treguar se ishte në Tiranë bashkë me Ilir Metën, kur e mori këtë ofertë dhe nuk dinte se si të vepronte.
Por, Haradinaj tha se është momenti që të kthehet në udhëheqje të qeverisë, gjë që po e kërkon prej 13 vjetësh.
Por në bastionin e AAK-së, në ditën e çlirimit të Jablanicës, në kullën e dajave të Haradinajt, Veseli e quan kryeministër kundërshtarin e tij të deridjeshëm politik. Haradinaj i ka falënderuar ata që ia dhanë besimin, ndërsa e përsëriti se kufiri i Kosovës është në kullë e Çakorr.
