U përmbyll me sukses ngjarja e parë “Darka e Diasporës”, e cila u organizua nga fondacioni “Aksioni për nëna dhe fëmijë” (ANF) dhe organizata “Solidar Suisse” në lokalin Eni’t të Cyrihut, Zvicër, mbrëmjen e 29 shtatorit, 2017.
Kjo mbrëmje u organizua me qëllimin e ngritjes së fondeve nga diaspora jonë për mbështetjen e nënave dhe fëmijëve në Kosovë.
“Sonte u drejtohem sidomos bashkëkombësve të mi këtu në Zvicër: përkraheni këtë aksion, secili prej jush dhe secili sipas mundësive që keni. Vendet tona të origjinës kanë nevojë për ndihmë të gjithanshme. Por, më së shumti kanë nevojë për ndihmë fëmijët dhe nënat”, theksoi Prof. Dr. Omer Dzemali, njëri ndër 100 kokat e ndritura të Zvicrës, njëherësh folës i darkës.
Mbrëmja u pasurua me një program të plotë ku përveç fjalimeve u shfaq edhe një dokumentar i fondacionit dhe punës së realizuar deri më tani në Kosovë, ku më pas mysafirët vazhduan shoqërimin nën tingujt e muzikës së vjetër qytetare.
“Ne besojmë që secila nënë dhe secili fëmijë ka të drejtën për një jetë cilësore dhe të shëndetshme. Kemi ardhur këtu për t’ju takuar, për t’ju treguar mbi punën e fondacionit tonë që është ndër më transparentët në Kosovë si dhe për të kërkuar ndihmën tuaj ashtu që të shpëtojmë më shumë jetë nënash e fëmijësh në Kosovë”, tha Mrika Aliu, drejtoreshë ekzekutive e ANF-së, në një mesazh përmbyllës.
Mbrëmja u realizua me sukses falë partnerëve të ngjarjes si platforma Albinfo.ch, agjensioni Eurokoha, organizata Germin dhe lokali Eni’t, si dhe miqve të rinj që njoftuam atë natë, pa të cilët, ky organizim nuk do të bëhej i mundur.
-
“Darka e diasporës” në Zürich për shpëtimin e jetëve të nënave dhe fëmijëve në Kosovë
-
Mërgimtarët në Zvicër dhurojnë mbi 23 mijë franga për nënat dhe fëmijët në Kosovë
-
Mblidhen 16,200 franga zvicerane në Cyrih për nënat dhe foshnjat në Kosovë
-
Solidariteti përmes dhuratave në shkollën “Emin Duraku”
-
Pamje: Mërgimtarit nga Zvicra ia vjedhin çantën me mijëra euro e dokumente