-
Nga:
Majlinda Ibrahimi
- 22 nëntor 2022 15:35
- Shpërndaje në:
Ministria e Arsimit ia ka shkëputur Kontratën kolektive Sindikatës së Bashkuar të Arsimit, Shkencës dhe Kulturës (SBASHK) të 21 janarit 2021, thuhet në dokumentin e siguruar nga KOHA.
Ky vendim është marrë më 21 nëntor, me arsyetimin se në kohën kur është nënshkruar, ministri i Qeverisë ishte në detyrë dhe “ka pasur mungesë legjitimiteti të hyrjes në politikë, të këtillë disavjeçare”.
“Qeveria Hoti, të cilës, sipas interpretimit të Gjykatës Kushtetuese në rastin KO72/20, i mungonte autoriteti kushtetues për të ushtruar kompetencat përkatëse, nuk ka pasur legjitimitet për të qenë palë në procedurë e rrjedhimisht, as të nënshkruajë Kontratën kolektive me SBASHK”, thuhet në dokument.
Në vendim thuhet se Kontrata kolektive nuk është buxhetuar asnjëherë e as nuk është nënshkruar nga Ministria e Financave.
Kjo Kontratë kolektive iu mundësonte mësimdhënësve mbulimin e shpenzimeve për udhëtim, kompensim të shujtës dhe shpërblim jubilar.
