Kryetari i Prizrenit, Mytaher Haskuka, ka bërë të ditur se do të aplikohen masa shtesë për procesin e përzgjedhjes së drejtorëve të shkollave në Prizren, krahas aplikimit të rregullores për përzgjedhjen e tyre. Sipas tij, kthimi i besimit në sistemin arsimor është i rëndësishëm dhe se hapi i parë në këtë plan është përzgjedhja e drejtë e drejtorëve.
Edhe pse kryetari Haskuka ka pretenduar se gjatë procesit të përzgjedhjes së drejtorëve sipas konkursit të prillit të këtij viti në raste ka pasur shkelje procedurale, megjithatë drejtori i Arsimit, Skënder Susuri, ka insistuar se nuk ka pasur asnjë shkelje, shkruan sot Koha Ditore.
Por Susuri ka pohuar se është pajtuar me kryetarin për aplikimin e masave shtesë me qëllim të shtimit të besimit të publikut në procesin e përzgjedhjes së drejtorëve të shkollave.
Kryetari Haskuka ka shpjeguar se me gjithë faktin që në muajt e fundit bashkë me drejtorin Susuri janë krijuar mekanizma të rinj që procesi i përzgjedhjes së drejtorëve të jetë i drejtë, objektiv dhe cilësor “procesi megjithatë ka rezultuar me shumë ankesa dhe mosbesim”.
(Më shumë lexoni sot në Koha Ditore)
-
Komuna e Prizrenit reagon pas akuzave të PDK-së për emërimin e drejtorëve të shkollave
-
Anulohet përzgjedhja e fundit e personelit arsimor në Prizren
-
Haskuka shkarkon drejtorin e Arsimit në Prizren
-
Haskuka: Do të shqyrtohen ankesat e kandidatëve për drejtorë
-
Anulohet zgjedhja e drejtorëve të shkollave të Prizrenit