Marrëveshje për gropat në Prishtinë

Nëpër një gjendje të tillë, qytetarëve në Prishtinë u duhet të kalojnë pothuajse çdo ditë në lagje të ndryshme.

Rrugë me shumë gropa, të paasfaltuara e projekte të lëna në gjysmë. Secila pranverë lagjen “Pejton” e gjen me gropa të shumta.

Sipas Zymer Abazit që banon këtu, komuna këtu nisi punimet në nëntor të vitit të kaluar. E ndonëse sipas tij, projekti u desh të zgjaste vetëm një muaj, puna këtu ka mbetur pezull.

79-vjeçari thotë se me këtë problem ballafaqohen tash e një kohë të gjatë, derisa vështirësitë më të mëdha thotë se krijohen kur ka reshje gjatë motit të ligë.

Ndërkohë, rrugët me shumë gropa e të paasfaltuara janë bërë problem edhe për banorët e lagjeve ‘’Kalabria’’ dhe “Aktash” të kryeqytetit.

Ata thonë se gjatë kësaj kohe, qarkullimi është më i vogël, shkaku i pandemisë.

Ndërsa thonë se në këtë kohë duhet të ndalohen edhe ndërtimet e larta dhe qarkullimi i automjeteve të rënda që bëjnë bartjen e materialeve ndërtimore, që sipas tyre, është shkaktari kryesor i dëmtimit të rrugëve.

Edhe Arbëri 5 muaj më parë Projekti që nisi në “fushatë zgjedhore” është ndërprerë me t’u publikuar rezultatet

Drejtori i Investimeve kapitale në komunën e Prishtinës, Gëzim Mehmeti, arsyeton rënien e intensitetit të punës me situatën e krijuar nga Covid 19.

Ndërkohë, marrëveshja e arritur mes Komunës së Prishtinës dhe Ndërmarrjes Publike Banesore, sipas kryeshefit ekzekutiv të kësaj ndërmarrjeje, Hajdar Hoxhaj, parasheh që intervenimet në infrastrukturë të bëhen brenda 48 orësh.

Gjatë javës, komuna e Prishtinës ka filluar punën në rregullimin e rrugëve kryesore në lagjen “Pejton”, derisa janë mbushur edhe gropat në Dardani.