Zëvendësministri i Ministrisë së Administrimit të Pushtetit Lokal, Bajram Gecaj, priti sot përfaqësuese Komunës së Ranillugut, me të cilët diskutoi çështje që lidhen me menaxhimin e pronës komunale dhe ato pronësore.
Nga Komuna e Ranillugut ishin Vladica Aritoniviq, nënkryetar i Komunës, Sasha Aleksiq, kryesues i Kuvendit të Komunës dhe Davor Petkoviq, drejtor i Drejtorisë për Arsim, Kulturë, Sport, Shëndetësi dhe Mirëqenie Sociale.
Në takim u diskutua lidhur me sfidat me të cilat po përballet aktualisht komuna e Ranillugut siç janë problemet të cilat lidhen me menaxhimin e pronës komunale dhe çështjet pronësore, lirimin i veturave të komunës nga doganat dhe projektet për investimet kapitale.
Në takimin me përfaqësuesit e komunës së Ranillugut, zëvendësministri Gecaj tha se bazuar në rolin dhe mandatin që ka Ministria e Administrimit të Pushtetit Lokal në ofrimin e ndihmës dhe mbështetjes për komunat, MAPL do të vazhdojë të jetë në dispozicion të komunave në tejkalimin dhe zgjidhjen e problemeve me të cilat ballafaqohen komunat.
-
Krasniqi flet për takimin me kryetarët serbë: Qeveria e gatshme për mbështetje
-
Kryetarët në veri me dilema nëse duhet dorëzuar dokumentet e ndjeshme te serbët
-
Kryetarët e komunave në veri iu ankohen ambasadave edhe për “kontrollin nga Qeveria”
-
Salihu: Ulja e Grantit të Performancës për Komunat, ndërhyrje në Ligjin për Buxhet
-
Prattipati në veri, flet me kryetarët e komunave për gjendjen aktuale