Këshilli Drejtues i Federatës së Sindikatave të Shëndetësisë së Kosovës, ka njoftuar ka marrë vendim që me datë 17 maj 2017, duke filluar nga ora 11:00 të mbajë protestë publike të punëtorëve shëndetësorë para Qeverisë së Republikës së Kosovës.
Sipas një njoftimit të FSSHK-së, ky vendim është marrë pasi që është analizuar situata e tanishme dhe ajo pas grevës së përgjithshme të punëtorëve shëndetësor të datës 27 maj.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Qëllimet e kësaj proteste konsistojnë me ato të grevës së datës 27 maj, si dhe protestës paralajmëruese të datës 29 marsit, e që janë hedhja në tërësi e Ligjit mbi pagat meqë i njëjti është diskriminues për punëtorët shëndetësor dhe pjesëmarrja e përfaqësuesve të punëtorëve në draftimin e tij, ngritja e pagave prej 15% në bazë të nevojës dhe kërkesës së të punësuarve në shëndetësi, përmirësimi i kushteve të punës, furnizimi me barna dhe material shpenzues. Kjo formë e shprehjes së pakënaqësive dhe kërkesave tona është zgjedhur me qëllimin e vetëm që presioni mos të bie mbi qytetarët por mbi Qeverinë e Republikës së Kosovës.
Në lidhje me deklaratën e kryeministrit të Republikës së Kosovës për rritjen e pagave, kjo federatë ka uruar që të përmbushet ky premtim, por duke u nisur nga fakti se protesta e tyre nuk e ka fokus të vetëm rritjen e pagave, ata kanë vendosur që kërkesat e tyre t’i mbështesin deri në realizimin e tyre.