Sami Lushtaku nga burgu, si i akuzuar për krime lufte, e kishte fituar edhe një mandat të dytë për të udhëhequr me komunën e Skënderajt, raporton KTV.
Ai e mbajti postin e kryetarit pa qenë i pranishëm në vendin e punës, ndërsa edhe pak muaj i përfundon mandati prej kryetari. Lushtaku, ditën e parë në liri e ka kaluar në shtëpi duke pritur shumë njerëz që i kanë uruar lirimin.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoE pranon se ishte papërgjegjësi totale të mbante postin e kryetarit nga burgu, por thotë se sikur ta dinte se do të qëndronte aq gjatë aty, nuk do të kandidonte fare.
Lushtaku thotë se qëndroi padrejtësisht në burg për 4 vjet dhe për këtë do të kërkojë dëmshpërblim.
Ai beson se zëvendësi i tij, bashkë me drejtorët përkatës, kanë arritur që me përkushtim t’i kryejnë të gjitha punët që është dashur.
Por, për opozitën, ky mandat i tij ishte i dështuar derisa thonë se edhe sa ishte vetë në pushtet, Lushtaku ka qeverisur dobët.
Për më tepër, zyrtarë të LDK-së thonë se nëse shteti në nivel vendi është kapur nga PDK-ja, në nivel komune është i kapur 100% nga kryetari dhe njerëzit e tij.
Edhe qytetarët e kësaj komune mendojnë se komuna ka ngecur në disa aspekte në mungesë të kryetarit.
Megjithëkëtë, Lushtaku thotë se tash e tutje do të angazhohet maksimalisht në detyrat, të cilat e presin tani e tutje.
Sami Lushtaku në zgjedhjet e kaluara kishte arritur që të fitonte besimin e 90 për qind të qytetarëve të Skënderajt.