Ministri i Zhvillimit Ekonomik, Valdrin Lluka ka thënë se nuk përjashtohet mundësia e rritjes së çmimit të energjisë elektrike prej 18.7 për qind e paralajmëruar nga Zyra e Rregullatorit të Energjisë(ZRRE).
Sepse, sipas tij, vendi është duke prodhuar energji me gjysmë kapaciteti dhe gjysmë tjetër e saj është duke u importuar.
Lluka ka thënë për KosovaPress se duhet kuptuar qytetarët, se projekti energjetik Kosova e Re, e cila nënshkruhet sot, nuk është pjesë e ngritjes së çmimeve, sepse është keqkuptuar.
Sipas tij, tash e dy muaj Kosova është duke prodhuar energji me gjysmë kapaciteti me 400 MW, pra gjysmën tjetër është duke e importuar dhe kjo gjë do të vazhdojë edhe për një periudhë rreth 4 deri në 6 muaj të ardhshëm.
“Gjasat janë si pasojë e shpronësimit, por jo si pasojë e termocentralit (të ri), pra, gjasa ka reale për shkak që është penguar shpronësimi tash e dy vjet. Ata (ZRRE) kanë lajmëruar diku rreth 18.7 për qind rritje, për çka është e mundshme, sepse nëse veprohet në formën siç jemi duke ecur tash, të prodhojmë vetëm me gjysmë kapaciteti dhe gjysmën tjetër (të energjisë) ta importojmë”, ka thënë Lluka.
Ndryshe, për sot në orën 12.00, është paralajmëruar të mbahet një protestë për ta kundërshtuar rritjen e çmimit të energjisë elektrike.
-
ZRRE-ja propozon që sivjet të mos ketë shtrenjtim të energjisë
-
Haxhimusa: Nëse hyjnë në fuqi tarifat e reja të rrymës rritja do të jetë 15 - 21 për qind
-
Bëhet thirrje për protestë masive kundër propozimit për shtrenjtim të rrymës
-
Hajdari: Deklarata e Rizvanollit, parapërgatitje se çmimi i rrymës do të rritet
-
Të premten protestë kundër shtrenjtimit të rrymës, ekzekutivi pa qëndrim për rritjen e paralajmëruar