Mundësia e braktisjes në tërësi e institucioneve brenda sistemit të Kosovës, e cila është paralajmëruar nga përfaqësuesit e serbëve të Kosovës në takimin e tyre me presidentin e Serbisë, Aleksandar Vuçiq, më 27 shkurt në Beograd, është formë e presionit nga autoritetet e Serbisë ndaj bashkësisë ndërkombëtare, por edhe ndaj Kosovës, vlerësojnë njohësit e zhvillimeve politike, shqiptarë dhe serbë.
Përfaqësuesit e Listës Serbe, subjekt ky politik, i cili përfaqëson serbët e Kosovës në institucionet qendrore dhe lokale, kanë theksuar se kanë kërkuar nga presidenti i Serbisë, Aleksandar Vuçiq dhe nga Qeveria e Serbisë, që të mbështesin vendimin e tyre për braktisjen në tërësi të institucioneve të Kosovës.
Politologu Ramush Tahiri, vlerëson se deklaratat e përfaqësuesve të Listës Serbe, por edhe autoriteteve të Beogradit, që ndërlidhen me mundësinë e braktisjes së sistemit të Kosovës nga serbët e vendore, shprehin qëndrim kryekëput politik, për ta vënë Kosovën para aktit të kryer.
-
Reuters: Vuçiqi synon postin e kryeministrit dhe vendosjen e një aleati të tij në postin e presidentit
-
Vuçiq: Janë ditët e fundit të miat si president i Serbisë
-
Serwer: Vuçiqi po pret mundësinë për ta marrë veriun e Kosovës
-
Serbia ndërhyn sërish në zgjedhjet e Kosovës
-
Serbia tenton të ndikojë te vota serbe në Kosovë para zgjedhjeve parlamentare