Lista Serbe ka reaguar ndaj deklaratave të fundit të ministrit të Brendshëm të Kosovës, Xhelal Sveçla, lidhur me barrikadat në veri, duke i quajtur ato kërcënime ndaj nënkryetarit të Listës Serbe, Milan Radoiçiq.
Lista Serbe ka shkruar në Facebook se Sveçla nuk do të mund ta trembë as Radoiçiqin dhe asnjë serb në barrikada.
“Kërcënimet që Sveçla i frikësuar i dërgon zëvendëspresidentit Radoiçiq janë qesharake dhe nuk do ta trembin Radoiçiqin dhe asnjë serb në barrikada. Dje, sot dhe nesër Radoiçiq është me popullin e tij dhe asnjë akuzë e rreme, gjyq i organizuar dhe kërcënim nuk do ta trembin atë”, ka shkruar Lista Serbe.
Sveçla ka thënë në një konferencë për media të enjten se institucionet e Kosovës po presin që KFOR-i ose ata që i kanë vënë barrikadat t’i heqin ato.
Siç ka thënë ai, pritja mund të ketë fund dhe mund t’i heqin ata vetë.
-
Sveçla: Kërcënimet ndaj votuesve në Graçanicë janë me direktiva të Serbisë
-
Sveçla për kërcënimet e Vulinit: Ndërkombëtarët të kenë vëmendjen e plotë
-
Shprehen pritje që Lista Serbe të mos mund ta sfidojë ligjin në veri
-
Kosova kërkon izolimin ndërkombëtar të Serbisë
-
Sveçla: Serbia të izolohet derisa Vuçiqi të marrë masa ndaj Paunoviqit