Kryetari i Nismës për Kosovën, Fatmir Limaj, u ka premtuar qytetarëve të Vushtrrisë se do të bëjnë hapjen e zyrës së vetëpunësimit, ku të gjithë ata që kanë një ide do të kenë një derë se ku të trokasin që të marrin ndihmën e parë për realizimin e asaj ide.
Kreu i Nismës, tha se të rinjtë e Kosovës kanë shumë ide kreative, por që ata kanë nevojë për ndihmë dhe përkujdesje nga shtetit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi tha se beson që kjo i përshtatet Kosovës duke e ditur që ka shumë të rinj që kanë ide, por që ato ide të tyre nuk mund të gjejnë realizim në praktikë pasi që nuk kanë mbështetje. E sipas tij, zyra e vetëpunësimit do të jetë dora e parë për mbështetje të tyre.
Limaj, para qytetarëve të Vushtrrisë paraqiti si një nga prioritetet e kësaj partie bujqësinë, ku tha se përkujdesja e shtetit ndaj bujqësisë deri më sot ka qenë e vogël.
Ai tha se e vetmja mënyrë për t’i ofruar mundësi vendit për të hapur vende të reja të punës është investimi i fuqishëm në bujqësi.
Sipas tij, kjo do të ndikonte drejtpërdrejtë në hapjen e vendeve të reja të punës. Po ashtu, para vushtrriasve, Limaj tha se qeveria e re, deri në 400 milionë euro do t’i investojnë në bujqësi.
Sipas Limajt deri më tani nuk ka ndodhur mbrojtja e prodhimit vendor. Ndërsa, shtoi se shteti duhet të jetë i gatshëm që në momente kur bujku ka vështirësi dhe probleme t’i dal në ndihmë.
Kryetari i Nismës për Kosovën, Fatmir Limaj, tha se Kosovës i duhet përfundimisht një qeveri reformatore dhe se e vetmja mënyrë që Kosova të ecë përpara është futja në reforma të thella në të gjithë sektorët