Zëvendëskryeministri i Qeverisë së Kosovës, Fatmir Limaj, ka pritur sot në një takim komandantin e KFOR-it, Gjeneral major, Lorenzo D’Addario.
Në takim Limaj dhe D’Addario, kanë biseduar për zhvillimet politike në Kosovë si dhe për aspektin e sigurisë në vend.
Zv.kryeministri Limaj, falënderoi komandantin e KFOR-it, për kontributin e dhënë dhe për gatishmërinë e treguar që forcat paqeruajtëse të NATO-s t’i ndihmojnë strukturave të sigurisë vendëse.
Në cilësinë e bashkëkryesuesit të Delegacionit Shtetëror, Limaj e ka njoftuar ushtarakun italian për finalizimin e Platformës për dialogun me Serbinë.
“Platforma është një dokument shumë përmbajtjesor që orienton dialogun që do të zhvillohet në Bruksel dhe përcakton pozicionin e shtetit të Kosovës në këtë proces”, ka deklaruar Limaj.
Komandanti i KFOR-it, Gjeneral major, Lorenzo D’Addario, siguroi zv.kryeministrin Limaj se KFOR-i është i gatshëm të ofrojë siguri për gjithë qytetarët.
-
Komandanti i KFOR-it takohet me përfaqësues diplomatikë për sigurinë
-
Policia e Kosovës dhe KFOR-i diskutojnë për aktivitete të përbashkëta, përfshirë veriun
-
Komandanti i KFOR-it e gjenerali italian diskutojnë për sigurinë në Kosovë
-
Situata e sigurisë në qendër të takimit mes Kurtit dhe komandantit të KFOR-it
-
Barduani: Ka shqetësime për qëndrueshmërinë e sigurisë për shkak të disa çështjeve të pazgjidhura