Kryetari i Grupit Parlamentar dhe nënkryetari i AAK-së, Pal Lekaj ka deklaruar se reagimi i mbrëmshëm kundër ish-kryeministrit, Ramush Haradinaj, siç ka thënë ai i një grupi banditësh të veshur në petkun e politikanëve, siç është Lista Serbe, do të duhej të ishte arsyeja e mjaftueshme për institucionet e Kosovës që ky grup të shpallej “i padëshiruar”dhe të njëjtit të largohen nga Qeveria.
Ai në profilin e tij në Facebook, ka shkruar se përkundër dëshirave të “vogëlsirave” të Listës Serbe, për ta mbajtur të izoluar e të ndarë Ramushin e Kosovën, së shpejti do të jenë të liruar nga kthetrat e fundit të tyre.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Reagimi i mbrëmshëm kundër ish-kryeministrit, Ramush Haradinaj, i një grupi banditësh të veshur në petkun e politikanëve, siç është Lista Serbe, do të duhej të ishte arsyeja e mjaftueshme për institucionet e Kosovës që ky grup destruktiv i pinjollëve të Nikoliçit, Vuçiqit e Daçiqit, të shpallej ‘i padëshiruar’ dhe të njëjtit të largohen nga qeveria. Këta dhe të gjithë kundërshtarët e Ramushit e të Kosovës duhet ta dinë se nuk jemi pa miq e pa aleat. Prandaj nuk duhet t’iu vjen mërzi pse shumë burrështetas shfaqin habinë për ndalimin e kryetarit Haradinaj dhe presin lirimin e tij të shpejtë”, ka shkruar Lekaj.
Lekaj ka thënë se ish-Presidenti Mesiq vjen nga një shtet që e kupton më së miri se kush është Serbia dhe çfarë është në gjendje të bëjë ajo për të mbajtur rajonin në tension.
“Prandaj duke ju thënë ‘vogëlsirave’ të listës serbe, që të mos lëshohen në deklarata të nxitura nga kokat e mësuesve të tyre politikë të Beogradit, i garantojmë po ashtu se, përkundër dëshirës së tyre për ta mbajtur të izoluar e të ndarë Ramushin e Kosovën, së shpejti do të jenë të liruar nga kthetrat e fundit të tyre. Ne do të vazhdojmë të jemi aleat me të gjithë ata që ua kanë dhënë përgjigjen e merituar para vitit 1999 kur Serbia me ushtri e polici bënte krime kundër civilëve, si në Kosovë, Kroaci e Bosnje”, ka thënë në fund Lekaj.
Pas takimit që ish-presidenti kroat Stipe Mesiq pati me zyrtarë të AAK-së, tha se “miku im, Ramush Haradinaj duhet të lirohet”. Lista Srpska tha se Mesiq po e quan mik kriminelin e luftës.