Ministri i Ministrisë së Infrastrukturës, Pal Lekaj, u takua me kryetarin e Ferizajt, Agim Aliu, me të cilin bisedoi për mundësitë e bashkëpunimit ndërmjet komunës së Ferizajt dhe Ministrisë së Infrastrukturës.
Lekaj e ka falënderuar kryetarin Aliu për “bashkëpunimin cilësor” dhe i ka premtuar atij se edhe Ferizaj, sikurse të gjitha komunat tjera do të ndihmohet në projektet e saja, për aq sa ka mundësi buxhetore dhe në ato projekte që kanë mbështetje buxhetore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistri e ka informuar Aliun se Ministria e Infrastrukturës, që kur ai ka ardhur në krye të saj, ka vënë mekanizmat e saj në lëvizje, në mënyrë që projektet që janë prolonguar më herët, të futen në proces dhe të mos vonohen më shumë. Ministri Lekaj, po ashtu tha se Ministria e Infrastrukturës mbetet e përkushtuar që t’iu ndihmoi komunave dhe ti mbështesë ato pa dallim.
Aliu e ka falënderuar Lekajn për gatishmërinë e treguar që t’i mbështesë projektet e nevojshme dhe që kanë rëndësi për ta si komunë, sidomos ato projekte ku qytetarëve të vendit u ofrohet zgjidhje adekuate, siç është edhe projekti i bashkimit të qytetit, ai për nënkalimin tek hekurudha në qendër të qytetit dhe projekte të tjera që kanë rëndësi vitale për qytetarët e Ferizajt.
Ministri Lekaj dhe kryetari Aliu, janë dakorduar se të gjitha projektet e filluara duhet të përfundohen në bazë të prioriteteve të Komunës së Ferizajt dhe rëndësisë që ato kanë për qytetarin dhe Ferizajn.