Kryetari i GP-LDK-së, Avdullah Hoti së bashku me deputetët Armend Zemaj dhe Besa Gaxherri pritën në takim kryetarin e komunës së Bujanocit, Shaip Kamberi, së bashku me deputetin Fatmir Hasani dhe nënkryetaren e Partisë për Veprim Demokratik, Ardita Sinani.
Sipas njoftimit për media të LDK-së, në takim u bisedua për zhvillimet e muajve të fundit dhe qëndrimin e LDK-së për dialogun ndërmjet Kosovës dhe Serbisë.
“Biseduan për pozitën e shqiptarëve atje dhe rolin shumëvjeçar të LDK-së në mbrojtje të të drejtave të shqiptarëve në Luginë. LDK-ja konsideron se për dialog me Serbinë duhet të kemi një proces të përgatitur dhe gjithëpërfshirës, si dhe përfaqësim me legjitimitet politik e kushtetues”, thuhet në njoftim.
Në fund të njoftimit, LDK-ja thotë se mbetet e përkushtuar për shqiptarët e Luginës së Preshevës dhe do të intensifikojë komunikimin me ta në të gjitha fazat.
-
Kamberi: Çështja e Luginës së Preshevës të përfshihet në dialogun Kosovë - Serbi
-
Kamberi shpreh domosdoshmërinë e përfshirjes së Luginës në dialogun Kosovë - Serbi
-
Krerët e LDK-së në darkë me udhëheqësit politikë të Luginës, dalin me thirrje të përbashkët
-
Kamberi pret që në dialogun Kosovë-Serbi të shtrohet çështja e Luginës së Preshevës
-
Shaip Kamberi kërkon prezencë të Kosovës në Luginë