LDK-ja shtyn mbledhjen e Kryesisë në pritje të aktgjykimit të plotë të Kushtetueses

Lidhja Demokratike e Kosovës ka njoftuar se është në pritje të aktgjykimit të plotë të Gjykatës Kushtetuese për çështjen e mandatarit.

Shefi i Grupit Parlamentar të LDK-së, Arben Gashi, ka thënë se në mungesë të vendimit të plotë, është pezulluar edhe mbledhja e Kryesisë së partisë.

Ai i ka thënë KOHËS se sapo të pranojnë vendimin do të procedojnë tutje me hapat e ardhshëm për formimin e Qeverisë me kryeministër Avdulla Hotin.

“Ne ende nuk kemi marrë informacione nga Gjykata Kushtetuese se kur do të vjen vendimi i plotë, sapo ta marrim atëherë do të procedojmë tutje”, ka thënë ai.

KOHA ka provuar të marrë përgjigje nga Gjykata Kushtetuese se kur do t’iu dërgohet palëve vendimi i plotë, por të njëjtit nuk janë përgjigjur.

Kushtetuesja ditë më parë vendosi në favor të dekretit të presidentit Hashim Thaçi për të mandatuar Hotin për kryeministër.

Edhe Arbëri 30 dhj 2020 LDK-ja mbledh Kryesinë, pritet të dalë emri i kandidatit për kryeministër

VV-ja si parti fituese insiston se vetëm asaj i takon formimi i Qeverisë.

Qeveria e udhëhequr nga Albin Kurti u rrëzua më 25 mars me mocion mosbesimi të iniciuar nga LDK-ja, që ishte edhe partnere e koalicionit.