LDK-ja paralajmëron thellim të krizës: KEDS-i, KESCO dhe KOSTT-i janë zhytur në borxhe

Lidhja Demokratike e Kosovës në një konferencë për media ka kritikuar qasjen e Qeverisë lidhur me krizën energjetike në vend.

Deputetja Hykmete Bajrami ka thënë se KEDS-i, KESCO dhe KOSTT-i janë të zhytur në borxhe dhe sipas saj, kriza vetëm sa do të thellohet.

Ajo ka thënë se nuk është bërë asnjë hap nga qeveria për sigurimin e burimeve alternative për ngrohje.

“Plan për kontraktime afatgjate duhet të bëjë qeveria, e cila deri tash ka refuzuar”, ka thënë ajo.

Deputeti Besian Mustafa, ka thënë se duhet të bëhet zbritja e TVSh-së nga 8 për qind në 0 për qind në fatura të energjisë.

Sipas tij, duhet bëhet pakoja e re e subvencionimit për sezonin e dimrit, heqja e tarifave diskriminuese ku barra i ngarkohet një grupi të caktuar të shoqërisë.

Edhe LAJMET E MBRËMJES 23 gus 2022 LDK-ja e kritikon Qeverinë për qasjen ndaj krizës energjetike

Ai ka thënë se duhet të ketë rishikim të plotë të tarifave, koordinim më të mirë me vendet e rajonit, duke themeluar bursën e përbashkët energjetike Kosovë-Shqipëri.

“Në planin afatgjatë të nisin procedura për krijimin e burimeve vetanake, me gaz e energji solare”, ka thënë ai.