Lidhja Demokratike e Kosovës, dega në Prizren, ka marrë vendim që në raundin e dytë të zgjedhjeve lokale të mos mbështesë asnjë kandidat për kryetar të kësaj komune.
Në balotazh do të garojnë Mytaher Haskuka i VV-së, që është edhe kryetar aktual dhe Shaqir Totaj i PDK-së.
Kandidat i LDK-së në këto zgjedhje ishte Anton Quni.
“Në takimin që sapo mbajtëm, kryesia e LDK-së në Prizren, vendosi që të mos i bashkohet asnjërit kandidat për kryetar të Prizrenit. Qytetarët e Prizrenit, përfshirë edhe simpatizantët e votuesit tanë, do ta kenë rastin t’i dëgjojnë edhe njëherë programet qeverisëse të dy kandidatëve përgjatë fushatës se balotazhit dhe në bazë të tyre të vendosin lirshëm se ku ta japin votën e tyre. Ne LDK-ja, e kemi mbyllur garën tonë dhe do të fillojmë menjëherë të merremi me veten, të bejmë analizën e thellë të performancës në këto zgjedhje”, thuhet në njoftimin e LDK-së, dega në Prizren.
-
LDK-ja pa vendim për koalicion në Prizren
-
Prizreni në prag të shpalljes së kandidatëve për kryetar, VV-ja me shumë paqartësi
-
Shaqir Totaj: Kjo nuk është PDK-ja për të cilën kemi punuar dhe investuar me vite
-
Totaj: Koalicioni PDK-LDK në Prizren trason rrugën për partneritet edhe në nivel qendror
-
PDK-LDK bëhen bashkë për balotazh në Mitrovicë të Jugut dhe Prizren